1 қазан күні ақпараттық кітапхана орталығының қызметкерлері құрметке лайықты кітапхана ісінің ардагері кітапханада 27 жыл бойы қызмет атқарған Тамара Ивановна Давиденкомен кездесіп, 70 жылдық мерейтойымен шын жүректен құттықтады. Тамара Ивановнаның басқаруымен 2002 жылы "Эрудит" оқырмандар ақпараттық-танымдық клубы ұйымдастырылды. Қазіргі уақытта «Горизонт» атымен клуб өз жұмысын жалғастыруда, оның мүшелері жоғары оқу орындары арасындағы және қалалық интеллектуалды ойындарда жүлделі орындарға ие болды. 

Ұстаздар Күні қарсаңында 2019 жылдың 1 қазаны күні психология және дефектология кафедрасының аға оқытушысы Каирова Б.К. жетекшілігімен 1, 2 курс студенттері Психология және педагогика факультетінің профессорлық-оқытушылық құрамына арналған «Ұстаздарым – думан болсын әр күнің!» атты мерекелік бағдарлама ұйымдастырды. Педагогтарға алғыс сөздер, өлеңдер мен әндер айтылды. Мектеп өміріндегі қызықты конкурстар мен миниқойылым педагогтар мен студенттер үшін үлкен әсер қалдырды.

2019 жылдың 30 қыркүйегінде Ө. Сұлтанғазин атындағы Қостанай мемлекеттік педагогикалық университет қабырғасында «Болашаққа бағдар: рухани жаңғыру» бағдарламасын іске асыру аясында студенттердің арасында «Отбасы – ырыстың ұйытқысы» атты ҚР «Отбасы күніне» арналған тәрбиелік іс-шара өткізілді. Тәрбиелік іс-шара психология және педагогика факультетінің деканының орынбасары Алипбаева Г.А. және психология және дефектология кафедрасының оқытушысы Бегежанова Р.К. жетекшілігімен ұйымдастырылды. Іс-шараға университеттің психология және педагогика, жаратылыстану-математика, әлеуметтік-гуманитарлық, дене шынықтыру, спорт және туризм факультеттерінің мен филология департаментінің студенттері қатысты.

Қыркүйек айының 30-шы жұлдызында Ө. Сұлтанғазин атындағы Қостанай мемлекеттік педагогикалық университеті жаратылыстану-математика факультетінің, жаратылыстану ғылымдары кафедрасында химия мамандығының 4 курс студенттерінің ұйымдастыруымен ұстаздар мерекесіне арналған «Ұстаз аты - ұлы тұлға» атты іс-шара өткізілді. Бұл мерекелік іс-шараның көздеген мақсаты студенттерді ұстаз еңбегін құрметтеп, әрқашан бағалай білуге үйрету және 1 курс студенттерін кафедра оқытушыларымен таныстыру болатын. Химия мамандығының 1-4 курс студенттері өз өнерлерін ортаға салып, өткізілген мерекеге белсене ат салысты.

Жыл сайын 26 қыркүйекте Еуропалық тілдер күні атап өтілді. 2019 жылдың 27 қыркүйегінде ҚМПУ Фрацуз мәдениет орталығының жетекшісі Жанбуршинова Г.К. мен ФМО әдістемелік бөлімінің жетекшісі Иванова Е.С. осы мерекеге орай бірлескен мерекелік іс – шарасы өткізілді. Іс – шараның негізгі мақсаты қатысушыларды еуропа елдерінің мәдениетімен, тұрмыс – тіршілігімен жақынырақ таныстыру. Мереге ҚМПУ шет тілдер кафедрасының студенттері мен оқытушылары қатысты. Мерекелік іс – шара қонағы ретінде: ағылшын тілі оқытушысы Брайс Дэвид Морр, Франциядан келген қонағымыз Лу Кассай және ҚМПУ түлегі, қазіргі таңда Франция тұрғыны Новикова Юлия болды. Іс – шара барысында қатысушыларға білімдерін тексеру үшін үш тілде әр түрлі тапсырмалар берілді (ағылшы, неміс және француз).

26.09.2019 ж. бұл жобаны іске асыру мақсатында Ө.Сұлтанғазин атындағы Қостанай мемлекеттік педагогикалық университеті Педагогика және психология факультетінің, педагогика кафедрасында ПОҚ–ның студенттермен кездесуі өтті. Педагогика кафедрасының компьютерлік-әдістемелік кабинетінің меңгерушісі Жетпісбаева А.А. ұйымдастырған кездесуде, педагогока кафедрасының меңгерушісі Қалиев Д.Д., кафедра оқытушылары Абдиркенова А.Қ., Ақанбаев Б.Н. студенттерді «Медиа және журналистика», «Интернет психология», «Оқыту теориясы» т.б. сынды жаңа оқулықтармен таныстырды.

2019 жылы 24 қыркүйекте Л. Гумилев атындағы Еуразия Ұлттық Университетінің базасында ҚХА кафедраларының республикалық Қауымдастығының кеңейтілген отырысы өтті.Отырыс барысында аймақтардағы ҚХА кафедраларының жұмысын ұйымдастыру бойынша өзекті мәселелер, кафедралардың Мемлекет басшысы Қ. К. Тоқаевтың Жолдауын түсіндіруге қатысуы, ҚХА қызметін ғылыми-сараптамалық қамтамасыз ету мәселелері қарастырылды.

2019 жылдың 24 қыркүйегінде өнер кафедрасының оқытушылары мен студенттері Қостанай ауданында өткен кәсіптік бағдар беру іс-шарасына қатысты. "Золотой колос" мәдениет сарайында Қостанай ауданының әр түрлі ауылдық мектептерінен ағымдағы 2019-2020 оқу жылының түлектері жиналды. Жиналған оқушылар үшін сарай фойесінде Ө. Сұлтанғазин атындағы ҚМПУ көрнекі үгіт материалдарының көрмесі ұйымдастырылды, оны жоспарлау мансабы және мемлекеттік қызмет көрсету басқармасының бастығы Н. И. Кабдрахметов басқарды.

Затоболдағы №3 мектеп-гимназиясының оқушылары медиация негіздері жайында білім алды. 2019 жылы 21 қыркүйегінде аталған мектеп оқушыларына арнап «Мектеп медиациясы және халық дипломатиясы» атты оқыту семинары өткізілді. Семинарды облыстық Достық үйі ұйымдастырды. Мақсатты аудитория ретінде 3 жұмыс тобына бөлінген 9-11 сынып оқушылары болды. Әр топта жеке тренер жұмыс істеді, олар: облыстық ҚХА медиация Кеңесі төрағасының орынбасары, Ө. Сұлтанғазин атындағы ҚМПУ ҚХА кафедрасының меңгерушісі Ольга Евдокимова, ҚХА Қоғамдық медиаторы Гүлнәр Латыпова.

Ақпараттық кітапхана орталығының кітап қорына «Жаңа гуманитарлық білім» бағдарламасы аясында 30 кітап түсті. Жаңа оқулықтар дүниежүзілік тарих, халықаралық құқық, дипломатия, маркетинг, медиа және іскерлік коммуникация, әдебиет және өнертану теориясы саласындағы ғылыми білімнің кең спектрін қамтиды. 17-20 қыркүйек аралығында анықтамалық-библиографиялық және ақпараттық жұмыс бөлімінің меңгерушісі Сусик Т. С. және кітапханашы Альмухамбетова Н. Н. ақпараттық шолулар өткізіп, оқытушылар мен студенттерді әлемдік деңгейде танылған оқулықтардың жаңа түсімдерімен таныстырды. 

Біздің мекен жайымыз

110000, Қостанай қаласы,
Тәуелсіздік көшесі 118

  • Тел./факс: +7 (7142) 53-04-55

Біз әлеуметтік желідеміз

Вы здесь: Главная Жаналықтар