2019 жылы 15 қарашада "География" және "Химия" мамандықтары бойынша жаратылыстану ғылымдары кафедрасының студенттері этносаралық қатынастарды нығайту және қолдау мақсатында Қостанай облысының жоғары оқу орындары арасында "Zamannyn zerdeli jastary" Республикалық студенттік ғылыми-тәжірибелік конференциясына қатысты. Байқау үш кезеңнен тұрды. Байқаудың бірінші іріктеу кезеңінің қорытындысы бойынша жаратылыстану ғылымдары кафедрасы студенттерінің келесі ғылыми жобалары екінші кезеңге өтті:"(Ұлтаралық құрмет – Қазақстанның гүлденуінің кепілі", "Ақтөбе облысының туристік маршруттарын әзірлеу", "Жаңа Жібек Жолы аясындағы іскерлік туризмді дамыту", "Серпін-2050 "студентінің әлеуметтік – демографиялық портреті", (педагогикалық білім магистрі Г. К. Баубекованың, география магистрі К. И. Омарованың жетекшілік етуімен).

2019 жылғы 15 қарашада «Құқық және экономика негіздері» мамандығының 4 курс студенттері Қазақстан Республикасы Ұлттық Банкінің Қостанай филиалына барды. Бұл іс-шара Ашық есік күні аясында өткізілді, Ұлттық валюта күніне орай ұйымдастырылды. Студенттердің назарына ұлттық валютаның қағаз және монета түріндегі экспозициялар ұсынылды, оның шығарылу тарихы баяндалды, Қазақстандағы ақша-кредит саясатының қазіргі беталыстары түсіндірілді. Банк өнімдері, тұрғын үй ипотекасын қайта қаржыландыру бағдарламасының іске асырылуы, сертификатталған тазартылған алтын құймалары, 7-20-25 бағдарламасындағы екінші деңгейлі банктердің қатысу туралы, қаржылық сауаттылық негіздері және басқа да мәселелер туралы бөлек ақпарат берілді.

Ағымдағы жылдың 15 қарашасында Қостанай қаласындағы Жастар сарайында облыстың жас архивистердің форумы өтті. Бұл іс-шараның басты мақсаты – жас архивистердің өскелең әлеуетін дәріптеу, архив ісін жандандыру бойынша тың идеялармен алмасу, болашаққа жұмыс жоспарын белгілеу. Форумның бастамашылары Қостанай облысы әкімдігінің ақпараттандыру, мемлекеттік қызмет көрсету және архивтер басқармасымен облыстың мемлекеттік архиві болды. Осылардың қатарында архив жұмысын жетілдіру және жас архивистердің қызметін жандандыру туралы өз көзқарасын ұсынған жас архивистер де болды. Форумға белгілі зерттеуші ғалымдар, архив қызметінің ардагерлері, мемлекеттік құрылымдардың өкілдері қатысты

2019 жылдың қазан айының 15-ші жұлдызында Сұлтанғазин университеті акт залында, Қырандай қалықтап, әсем әнмен шарықтап, өнерліні жағалап, талай таланттың жұлдызын жаққан «Екі жұлдыз» ән байқауы өтті. Университет қызметкері, ұстаз бен студент жұп болып бақ сынаған айтулы ән байқауы 17 ші қараша - Халықаралық студенттер күніне арналған болатын. Университетіміздің академиялық жұмыс және әлеуметтік мәселелер жөніндегі проректоры Мусабекова Гульвира Айдарханқызы «Халықаралық студенттер күнімен» барлық білімгерлерді құттықтап, байқау қатысушыларына сәттілік тіледі.

2019 жылғы 14 қарашада ҚМПУ физика-математикалық пәндер кафедрасында Ұлттық валюта күніне арналған «Теңге қалай дамыды және өзгерді» атты кураторлық сағат өтті. «5В010900 Математика» мамандығының 4 курс студенттері видеоролик көрсетіп, теңгенің пайда болуы мен даму тарихы туралы әңгімеледі.

Филология департаментінің 2 курс студенттері 13 қараша күні  «Эко-қала» бағыты бойынша экскурсияға барды. «Шаруа», «Атамекен», «Тазалық», «Медициналық қалдықтарды қайта өңдеу» мекемелерінде болды. «Сервистік оқыту» пәні бойынша бұл экскурсияға  31 студент қатысты. Экскурсияның  ең кереметі - қаламыздағы көп адам біле бермейтін, бірақ пайдасы өте көп орындарды көруі болды. Экскурсия арқылы қоғам өмірінде, жалпы қала өмірінде жоғарыда аталып өткен мекемелердің маңызының өте жоғары дәрежеде екенін қатысушылар білді.

2019 жылы 12 қарашада филология департаментінің жетекшісі, ф.ғ.к., қауымдастырылған профессор Нұрмұхаметова Қарлығаш Тұрғанбекқызы мен «Шетел тілі: екі шетел тілі» білім беру бағдарламасының жетекшісі, аға оқытушы Кинжибаева Айгуль Серикпаевна Алматы қаласы Абылай хан атындағы Қазақ Халықаралық Қатынастар және Әлем Тілдері Университетінде өткен РОӘК ОӘБ-нің «Тілдер мен әдебиет мұғалімдерін даярлау» атты кеңейтілген отырысына қатысты.

2019 жылы 11 қарашада «Орыс тілі мен әдебиеті» білім беру бағдарламасының 2 курс студенттерінің (куратор Т.Р.Пчелкина) физика-математика ғылымдарының кандидаты, өлеңдердің авторы Б.Н. Демисеновпен шығармашылық кездесуі өтті. Кездесу барысында Б.Н. Демисенов өзінің өлеңдерімен таныстырып, поэзияға деген қызығушылығының тарихын айтып өтті. Қатысушылар ақындық шығармашылықтың басталуы, сүйікті авторлары, шығармашылық ерекшеліктеріне байланысты сұрақтар қойылды.

2019 жылдың 8 қарашасында өнер кафедрасының оқытушылары онлайн форматта Челябинск мемлекеттік мәдениет институты өткізетін "XXI ғасырдың ғылым және мәдениетіндегі Жастар ғылыми мектептері" атты XVIII Халықаралық ғылыми-шығармашылық форумға қатысты. Форум ғылыми мектептерді қалыптастыру және ұсыну үшін алаң болды.Форумның міндеттері жұмыстың келесі бағыттарында көрсетілген: отандық және шетелдік ғылыми мектептерді белгілеу және таныстыру; ғылыми идеяларды насихаттау; идеялармен алмасу және оларды сынақтан өткізу; зерттеу трендтерін бекіту; тиімді ұлтаралық ғылыми байланыстарды жинақтау және осы негізде кәсіби қоғамдастықты қалыптастыру; мәдениетаралық диалог кеңістігін кеңейту; адами капиталды ұстанымдау; әлеуметтік-мәдени саладағы мәдениетаралық ынтымақтастық жобаларын бастамашылық ету.

Қазақ тілі әліпбиін латын графикасына көшіру жағдайында жоғары оқу орындарының профессорлық-оқытушылық құрамының кәсіби құзіреттілігін дамыту мақсатында 30.09.2019 - 08.11.2019 аралығында «Өрлеу» Біліктілікті арттыру Ұлттық орталығы акционерлік қоғамының филиалы Қостанай облысы бойынша педагог қызметкерлердің біліктілігін арттыру институты ұйымдастыруымен Ө.Сұлтанғазин атындағы ҚМПУ оқытушылары біліктілікті арттыру курсынан өтті.

Біздің мекен жайымыз

110000, Қостанай қаласы,
Тәуелсіздік көшесі 118

  • Тел./факс: +7 (7142) 53-04-55

Біз әлеуметтік желідеміз

Вы здесь: Главная Жаналықтар