2018 жылдың 11 сәуір айында «Бір ел- бір кітап » акция аясында әмбебап оқу залында «Кітап. Ел. Рух.» атты дөңгелек стол өтті. Дөңгелек столға филология факультеті қазақ тілі мен әдебиет мамандығының 1 курс студенттері қатысты. Биылғы жылы оқуға тұңғыш рет бір – біріне ұқсамайтын үш бірдей кітап таңдалды: Шәкәрім Құдайбердіұлының шығармалары, Б. Момышұлының «Ұшқан ұя» повесі, Н. Келімбетовтың «Үміт үзгім келмейді». Студенттер үш бірдей арыстың шығармашылығын баяндама түрінде жеткізіліп,талқыланды,сонымен қатар студенттердің барлығы өз ойларын айтып, өз пікірлерімен бөлісті.

2018 жылы 16 наурыз күні әмбебап оқу залында Наурыз көктем мерекесіне арналған зияткерлік блиц турнирі өтті. Ойынның мақсаты студенттерді «Горизонт» ақпараттық-танымдық клубына назарын аудару, логикалық ойлау қабілетін дамыту және өз білімдерін байыту. Іс-шараны ұйымдастыруға белсенді қатысқан «Горизонт» ақпараттық-ақпараттық клубының капитаны, Жаратылыстану математика факультетінің 2-курс студенті Ким Любовь.

2018 жылғы 12 наурыз күні әмбебап оқу залында ҚР Президенті Н.Ә.Назарбаевтың «Тәуелсіздік дәуірі» атты кітабының тұсаукесері өтті. Кездесуге Қазақстан тарихы кафедрасының оқытушысы Дастан Мұратұлы және әлеуметтік – гуманитарлық факультетінің 3 курс студенттері, филология факультетінің 1 курс студенттері қатысты. Іс-шараны Қазақстан тарихы кафедрасының оқытушысы Дастан Мұратұлы кіріспе сөзімен бастап, Елбасы кітабындағы басты тақырыптарға тоқталды. Сондай-ақ, ондағы реформалар мен Елбасының үкіметке қойып отырған талаптарын, Қазақстан халқына жүктелген тапсырмаларын түсінікті етіп жеткізіп берді.

8 наурыз Халықаралық әйелдер күніне орай әмбебап оқу залында Институттың ардагерлер Кеңесі мен Студенттер мәдениет үйімен бірлесіп ұйымдастырған «Ғалым – Студент» кездесу циклі бойынша педагогикалық еңбек ардагерлерімен әлеуметтік гуманитарлық және психологиялық-педагогикалық факультет студенттері арасында кездесу өтті. Кездесуге қатысқандар: тарих ғылымының кандидаты, қоғамдық пәндер, құқық және экономика негіздері кафедрасының профессоры Әлібек Т. К., педагогика ғылымының кандидаты, физика-математика және жалпы техникалық пәндер кафедрасының доценті Демина Н.Ф., дене шынықтыру, спорт және туризм теория және практика кафедрасының ВАК доценті Бикташева Г. Ш.

2018 жылы 22 ақпан айында жаратылыстану-математика факультетінің «Химия» мамандығының оқытушылары мен студенттеріне арналған «Ақпарат күні» өткізілді. Іс-шара барысында оқырмандар ақпараттық кітапхана орталығының білім беру және ғылыми процесске көмек ретінде қазақ, орыс және ағылшын тіліндегі жаңа әдебиеттермен танысты. Келушілерді мына кітаптар қызықтырды: Белки, нуклеиновые кислоты / К.О. Шарипов, С.С. Жакыпбекова, Г.Е. Берганаева (2016), Задания для СРСП по дисциплине по химии природных соединений / М.Ю. Лежнева, Т.А. Михеева (2016), Organic Chemistry / G.Zh. Seitenova, M.O. Turtubayeva (2016) және т.б.

2018 жылдың 16 ақпан айында ақпаратты кітапхана орталығында тарих ғылымдарының кандидаты, қазақстан тарихы кафедрасының меңгерушісі Бекмагамбетова М.Ж. кездесу өткізілді. Кешті филология факультетінің 2 курс студенті Колыханова Юлия жүргізді. Кездесуге психология және педагогика факультеті, әлеуметтік – гуманитарлық факультеті, филология факультеттерінің 1-2 курс студенттері қатысты. Әлеуметтік – гуманитарлық факультетінің 1 курс студенті Сайлау Әлия мен 3 курс студенті Тойшан Бейбарыс Құрманғазының «Адай» күйін орындады.

2018 жылы 9 ақпан айында оқырмандар, оқытушылар және орталық қызметкерлері арасында Қазақстан Республикасының Президенті Н. Назарбаевтың Қазақстан халқына Жолдауын талқылау үшін дөңгелек үстел өткізілді. Көрермендер алдында сөйлеген сөзінде тарих ғылымдарының кандидаты, қосымша және қашықтықтан білім беру факультетінің деканы Самаркин С. В. Қазақстан Республикасы Президентінің жаңа Жолдауының негізгі аспектілерімен таныстырып, 2018 жылы Қазақстан Республикасының Жолдауында ғылым мен білімнің дамуының рөлі мен бағытына баса назар аударды.

2018 жылы 9 ақпан Алтынсарин оқулары барысында ақпараттық қолдау ретінде "Заманауи білім – қоғамның рухани жаңғыруының негізгі факторы» кітап көрмесі ұйымдастырылды. Көрмеде білім мазмұнын жаңарту, жас ұрпақтың рухани құндылықтарын қалыптастыру, мұғалімдердің кәсіби дағдыларын қалыптастыру материалдары ұсынылды. Келушілерді қызықтырған кітаптар: Образовательная политика: теории и концепции, тенденции и стратегии развития / А. К. Мынбаева, Ш. Т. Таубаева, А. А. Булатбаева, Н. А. Анарбек. – Алматы: Қазақ университеті, 2014., Исхакова, Э. В. Психологические условия формирования профессионального статуса педагога. - Алматы: Нур-Принт, 2015 және басқа да басылымдар.

2017 жылы 12 желтоқсан айында «Рухани жаңғыру» бағдарламасы аясында Қазақстан Республикасының Тәуелсіздік күніне арналған ақпараттық кітапхана орталығында 1 курс студенттері арасында «Қазақстан тәуелсіздігінің дәуірі» атты интеллектуалды ойын өтті. Ойын мақсаты: жастарды патриоттық тәрбиелеу, ой өрісін кеңейту, логикалық ойлауды дамыту, студенттер арасында интеллектуалды ойындарды насихаттау. Сұрақтарға Қазақстан тарихы, мәдениет, салт-дәстүр, география, қызықты оқиғалар мен фактілер кірді. Іс-шара басында ойынның жүргізушілері ФФ 2-ші курс студенті Богомолова Л. мен ЖМФ 2-ші курс студенті Ким Л. Есдәулет Ұ. «Қазақстан» мен Ораз Н. «Тәуелсіздік таңы атты» өлеңдерін оқыды.

2017 жылы 5-9 желтоқсан айында ақпараттық-кітапхана орталығында көптілдік тобының студенттерімен оқытушыларына арналған «Ақпарат күні» өткізілді. Іс-шара барысында оқырмандар Қазақстан Республикасының Қауымдастығынан алынған, қазақстандық авторлардың ағылшын тіліне аударылған оқулықтармен танысты. Іс-шара қатысушыларын келесі кітаптар қызықтырды: Teaching Methods on Chemistry / Zh.A. Shokybayev (2016), Botany / S.K. Imankulova и др. (2016), Genetics / D.K. Aydarbaeva и др. (2016), Physiology development of pupils / Sh. Balgimbekov и др. (2016), Inclusive education / Movkebayeva, Z.A. (2016), Psychology / Amanova, I.K. (2016).

Біздің мекен жайымыз

110000, Қостанай қаласы,
Тәуелсіздік көшесі 118

  • Тел./факс: +7 (7142) 53-04-55

Біз әлеуметтік желідеміз

Вы здесь: Главная Жаналықтар Ақпаратты-кітапхана орталығының жаңалықтары